భారతదేశ ఆర్థిక వృద్ధి 6-7 శాతం ఉండ గలదన్న అంచనాలు, ప్రపంచ వ్యా ప్తంగా ఆర్థికమాంద్యం తగ్గుముఖం ప ట్టడంతో భారతీయ సంస్థలు సైతం అందుకు తగ్గట్టుగా స్పంది స్తున్నాయి. ఈ ఏడాదితో పోలిస్తే వచ్చే ఏడాది 20-30 శాతం మేర నియామకాలు అధికం కానున్నాయి. రిక్రూ ట్‌మెంట్‌ కన్సల్టెన్సీ సంస్థ ఫన్‌ అండ్‌ జాయ్‌ ఎట్‌ వర్క్‌ చీఫ్‌ ఎగ్జిక్యూటివ్‌ ఆఫీసర్‌ ఆర్‌ఎల్‌ భాటియా ఈ విషయం వెల్లడించారు. బీపీఓలు, బయోటెక్నాలజీ, మీడియా, టెలికామ్‌, ఫైనాన్స్‌ రంగాల్లో అధికంగా నియామకాలు చోటు చేసు కోనున్నాయి. తమకు క్లయింట్లుగా ఉన్న సుమారు 30 కంపెనీలు 30 వేల మందిని నియమించే యోచన చేస్తున్నట్లు వెల్లడించారు.
స్టాన్‌చార్ట్‌ నుండి మూడు వేల ఉద్యోగాలుఅంతర్జాతీయ బ్యాంకింగ్‌ దిగ్గజం స్టాండర్డ్‌ చార్టర్డ్‌ వచ్చే ఏడాది చివరి నాటికి భారత్‌లో 3000 మందికి ఉద్యోగవకాశాలు కల్పించనుంది. బ్రిటన్‌కు చెందిన ఈ సంస్థ స్టాక్‌ మార్కెట్లో లిస్టింగ్‌ కావడానికి కూడా ఉవ్విళ్ళూరుతోంది. గత రెండు నెలల్లో ఈ బ్యాంకు 500 ఉద్యోగులను భారత్‌లో నియమించింది. దీనికి అదనంగా మరో 2500 మందిని నియమించనుంది. స్టాన్‌చార్ట్‌లో దేశీయంగా మొత్తం 18,000 మంది పనిచేస్తున్నారు. వీరిలో ఐఐఎం, టాప్‌ బిస్కూల్స్‌కు చెందిన 30 మంది ఎగ్జిక్యూటివ్‌లు ఉన్నారు. ఈ సంస్థ భారత్‌ స్టాక్‌ ఎక్చేంజ్‌లో లిస్టయితే తొలి విదేశీ సంస్థగా రికార్డులకు ఎక్కుతుంది. వచ్చే ఏడాది ప్రధమార్ధంలో ఈ బ్యాంకు క్యాపిటల్‌ మార్కెట్లో ప్రవేశించనుంది. ఈ మేరకు అన్ని రకాల కసరత్తులు నిర్వహించడంతో పాటు, నియంత్రణా సంస్థ మార్గ దర్శకాలను కూడా పూర్తి చేస్తున్నట్లు స్టాన్‌ఛార్ట్‌ గ్లోబల్‌ చీఫ్‌ పీటర్‌ శాండ్స్‌ ఫైనాన్షియల్‌ టైమ్స్‌కు తెలిపారు. స్టాన్‌చార్ట్‌ దేశవ్యాప్తంగా 33 నగరాలలోని 90 శాఖల ద్వారా తన కార్యకలాపాలు నిర్వహిస్తోంది. ఆసియా, మధ్య తూర్పు దేశాల నుండే అధికంగా 70 శాతం వ్యాపారాన్ని నిర్వహిస్తున్న ఈ సంస్థ 70 దేశాలలో వ్యాపారాన్ని నిర్వహిస్తోంది. ప్రపంచ వ్యాప్తంగా ఈ సంస్థలో 75 వేల మంది ఉద్యోగులు పనిచేస్తున్నారు.
ఈ సమాచారము అంకుశం.కం నుండి సేకరించింది.
No comments:
Post a Comment